محسن بیگ کون ہے ؟
اظہر عباس
9/11 کے بعد میڈیا مینیجمنٹ کے ماہرین کی ایک کھیپ بھی پاکستان بھیجی گئی جن میں یہ موصوف بھی تھے جو وائس آف امریکہ کی جیو پر براہ راست ایک یا دو گھنٹہ کے بلیٹن چلوایا کرتے تھے ۔۔ ان صاحب میں پیچھے رہ کر آگے بڑھنے کا گر تھا جس کی وجہ سے بڑی ڈیلز کروانے کا کام انہیں سونپا گیا اور ملکی سرمایہ داروں سے میل ملاقاتیں کرتے کرواتے تھے ۔۔ جب وائس آف امریکہ کی ملکی چینلز سے نشریات پر کچھ اعتراضات ہوئے تو انہیں ایک اخباری ایجنسی آن لائن کے نام سے کھول کر دی گئی اور ایک اخبار جناح کے نام سے بھی انہوں نے جاری کیا ۔۔ عمران خان کے بت تراشنے، اسے جیو پر ٹائم دلوانے اور اس کی میڈیا مینیجمنٹ کے براہ راست ذمہ دار تھے اور اس کو فنڈنگ بھی ان کے ذریعے ہوتی تھی ۔۔ یہ اور مبشر لقمان جنگل کے راستے بنی گالا جایا کرتے اور اس کی ملاقاتیں کرایا کرتے ۔۔ اب ان معاملات کے چونکہ آنکھوں دیکھے گواہ تھے اس لئے ایک سودے (کہا جا رہا ہے کہ روسی کمپنی کی پائپ لائن کا سودا) میں کچھ رنجش ہوئی اور خان کو دھمکیاں دے کر باہر چلے گئے ۔۔ کچھ عرصہ لندن میں قیام پذیر رہے اور پھر جب معاملات بدلے تو کچھ بااثر ذرائع کی یقین دہانیوں پر واپس آئے ۔۔ اب کچھ عرصہ سے کھل کر بول رہے تھے لیکن سلیم صافی کے ساتھ ویڈیو لاگ (یو ٹیوب پر دیکھ لیں) میں کچھ ریڈ لائنز عبور کر بیٹھے جس پر نیازی نے سبق سکھانے کا حکم دیا ۔۔ غریدہ فاروقی والا پروگرام تو بے ضرر تھا ۔۔ کوئی وزیر یا بیوروکریٹ جب اس معاملے میں پڑنے پر تیار نہیں ہوا تو نیازی نے اپنے بندے کو آگے کر کے اسے سبق سکھانے کی کوشش کی ۔۔
اس کی بات سنئیے۔ یہ انہی کا بندہ ہے ۔۔
ReplyDeleteجلد ہی عوام کو عمران کی اصلیت پتہ چل جائے گی، سینئر صحافی
08 اگست ، 2022
جلد ہی عوام کو عمران کی اصلیت پتہ چل جائے گی، سینئر صحافی
کراچی (ٹی وی رپورٹ) سینئر صحافی محسن بیگ نے کہا ہے کہ میرا اور عمران خان کا کوئی ذاتی اختلاف نہیں ہے اللہ اس کا گوا ہ ہے بس مسئلہ یہ ہے کہ ہمارے ملک کے سلامتی اداروں نے بھی اس سے میری طرح دھوکہ کھایا ہے، اللہ نے چاہا تو جلد ہی عوام کو عمران خان کی اصلیت پتہ چل جائے گی، وہ لوگ بے وقوف تھے جو اس پر پیسے خرچ کرتے رہے، ہمیں کوئی لالچ نہیں تھا، عمران خان ہر پیسے والے سے جیلس ہے وہ سمجھتا ہے کہ ہر پیسے والا چور ہے۔ عمران خان کوئی مذہبی آدمی نہیں، باہر کے لوگوں نے اسے بتایا کہ اسلامی ٹچ دو، اس کی تو نظر اور نیت ٹھیک نہیں ہے ایسا شخص کیسے ریاست مدینہ بناسکتا ہے۔ بشریٰ بی بی سے عمران خان کی شادی ایک پلان کے تحت ہوئی ہے اس کی نظر اور نیت ایسی ہے کہ مرشد کے گھر جاؤ مرشد کو ہی ساتھ لے جاؤ، جو ان کا پلان تھا وہ انہوں نے بشریٰ بی بی سے شادی کرکے 100فیصدی اچیو کرلیا ہے، یہ پنڈورا باکس بھی ایک دن کھلے گا۔ عمران خان مورلی ایماندار نہیں تو فنانشل طور پر کیسے ایماندار ہوسکتا ہے۔ 2014ء یا 2015ء میں عمران خان نے تو انڈیا جاکر انٹرویو کے عوض پیسے کمائے ہیں۔ اس شخص کی ایمانداری صرف پبلک کو دکھانے کے لئے ہے ورنہ تو یہ شخص ملک کے لوگوں کا اخلاق تباہ کررہا ہے۔ جیو نیوزکے پروگرام جرگہ میں میزبان سلیم صافی سے گفتگو کرتے ہوئے محسن بیگ کا کہنا تھا کہ عمران خان الزامات کی سیاست کررہے ہیں چیف الیکشن کمشنر انتہائی ایماندار آدمی ہیں رشتے داریاں سب کی ہوتی ہیں، عمران خان کی بھی رشتہ داریاں ہیں ان کے رشتے دار ان کے خلاف کیا باتیں کررہے ہیں وہ خود دیکھ لیں۔ الیکشن کمیشن نے جوفیصلہ دیا بہترین ہے تاہم اس سے کچھ چیزیں ابھی بھی رہ گئی ہیں، اب یہ معاملہ ایف آئی اے میں کیبنٹ کی جانب سے جارہا ہے تو بہت کچھ دیکھنے کو ملے گا۔ عارف نقوی نے ان کو جس اکاؤنٹ میں پیسے بھجوائے یہ اس اکاؤنٹ سے 20 سے 25 کروڑ نکال کر اس اکاؤنٹ کو بند کرادیا کرتے تھے اور الیکشن کمیشن وہ اکاؤنٹ نہیں چیک کرسکا جو بند کرادیئے گئے تھے، اسٹیٹ بینک نے تو الیکشن کمیشن کو جو کرنٹ اوپن اکاؤنٹ تھے صرف اس کی رپورٹ دی ہے۔ ایف آئی اے میں یہ صلاحیت موجود ہے کہ وہ بند اکاؤنٹ کی ٹرانزیکشن بھی نکال سکتا ہے۔ انہوں نے انکشاف کیا کہ عارف نقوی کا ایک وڈیو بیان ہے جو جلد سامنے آجائے گا جس میں انہوں نے اقرار کیا ہے کہ انہوں نے عمران خان کو کتنے پیسے کیش دیئے اور کتنے اکاؤنٹ میں بھیجے ہیں، میرا نہیں خیال کہ یہ اس کیس میں بچ سکیں گے، عمران خان نے ملک کی سالمیت کو نقصان پہنچایا ہے۔ انہوں نے کہا کرپشن یہ نہیں کہ میں آپ کی جیب سے پیسے نکال لوں، عمران خان اس شخصیت کے مالک ہیں کہ وہ آپ پر اس طرح سے اثر انداز ہوگا کہ آپ اپنا کوٹ، شرٹ اور پینٹ اتار کر اسے دیدو گے، مالی طور پر عمران خان نے پاکستان کو تباہ کردیا ہے، کیا عمران خان بتائیں گے کہ آج وہ جس محل میں رہ رہے ہیں اس کا خرچہ کون دیتا ہے۔ انہوں نے کہا مجھے نہیں پتہ کہ عوام کو اس عالمی سازش کا پتہ ہے تاہم کچھ لوگ جان بوجھ کر ضرور اس کا حصہ ہیںجبکہکچھ لوگ نادانی میں اس کا حصہ بن رہے ہیں اور اپنا ہی ملک تباہ کررہے ہیں۔ محسن بیگ نے کہا امریکا عمران خان کے خلاف کیونکر ہوسکتا ہے کیونکہ یہ تو خود امریکا کے پروردہ اور امریکن ایجنٹ ہیں، یہ کام ان کے لئے کرتے اور امریکا کے خلاف بات کرکے عوام سے ہمدردیاں سمیٹ رہے ہیں۔ انہوں نے دعویٰ کیا کہ میرے ہی دفتر میں بیٹھ کر امریکن ایمبیسی کے لوگوں نے کہا کہ وہ کرائے پر عمران خان کے لئے گھر ڈھونڈ رہے ہیں جس پر میں نے کہا آپ کیوں؟ تو انہوں نے کہا کہ وہ مالی طو رپر کمزور ہے تو کرایہ ہم ادا کریں گے۔ انہوں نے کہا کہ ہم نے عمران خان کو اس لئے سپورٹ کیا تھا کہ ہمارا ملک بدل جائے، ملک میں اصلاحات آجائیں، رولز اینڈ ریگولیشن بہتر ہوں، ایک عام آدمی کی زندگی میں بہتری آئے، ہمیں اس سے کوئی لالچ نہیں تھا، ہمیں جب اس کی اصلیت پتہ چلی تو ہم سائیڈ پر ہوگئے عمران آج بھی مجھ پر کوئی الزام نہیں لگاسکتا ہے، میرا اس سے کوئی ذاتی اختلاف نہیں ہے اور یقین جانیں آج بھی لوگ اس سے دھوکا کھارہے ہیں۔