Pakistan Education System

روایتی  طریقہ کار کے تحت ہم ایک مخصوص قسم کے گگو گھوڑے ہی بنا رہے ہیں جو لکیر کے فقیر ہیں۔ یا اگر جملہ غیر مناسب نہ ہو تو فلم تھری ایڈیٹس میں ہیرو جو لڑکی سے کہتا ہے کہ تمہارا باپ ایک ایسی فیکٹری چلا رہا ہے جس میں ہر سال گدھے مینوفیکچر ہوتے ہیں، تو بے جا نہ ہوگا۔ اس لیے کہ ہمارے ہاں جو غلطی سے سائنس پڑھنے چلے جاتے ہیں انہیں بھی سائنس پڑھائی یا سمجھائی نہیں، رٹائی جاتی ہے۔ اور غلطی سے اس لیے کہ ہمارے ہاں سائنس ہنسی خوشی پڑھنے کا رحجان اس لیے بھی کم ہے کہ کوئی واقفیت ہی نہیں ہوتی بچوں کی، اور پیدا ہوتے ہی آرمی آفیسر، ڈاکٹر، انجینئر یا بیوروکریٹ یا پھر وکیل بنانے کی رٹ ہی زور و شور سے لگائی جاتی ہے۔ اور پھر جب بچوں کا اس طرف داخلہ نہیں ہوتا تو مجبوراً ہی وہ فزکس، کیمسٹری پڑھتے اور بے دلی سے پڑھتے ہیں۔